معك حق تماما يا ابنه النيل نحن نعيش في عالم الاطباء والمهندسين ولكن اين هم المؤلفين و النقاد والمخرجين ويجب ان نعلم ان نهضه المجتمع تأتي شامله لجميع جوانب المجتمع وانك اذا اردت ان تعرف حال امه انظر الي فنها اذا كان مزدهر فهي امه متقدمه واهم شخص في الافلام هو المخرج هو عصب الفلم وعقله المدبر وعندما نقول ان هذا الفلم لم يقنعني فا 80 % من الخطاء يقع في عاتق المخرج

وفي النهايه احب ان اوضح ان الانسان ممكن ان يكون جامع للقمامه ولكن يؤثر مليون مره اكثر من الطبيب المهم يا ابنه النيل ان تغيري مجتمعك للافضل

angel no 13

اعتقد أن هذه أول زيارة لي لمدونتك ، وما كانت إلا رد زيارتك في البداية

لكن هذا الموضوع اعجبني .. بل أبهرني .

لكن .. مصيبة لو كنت مبهورة بالشهرة والعظمة

ومعظم العظماء جوفاء عظمتهم !!

فن القصه يختلف كثيراً عن فن السنيما ، وله جمهوره أيضاً

لكن أخلبهم من المثقفين ، علي عكس السنيما التي نالت

شهرة بين كل الأوساط ..

وفقك الله في طريقك ، ودعك من أقوال الناس

فكلنا نولد في الدنيا فرادا ونموت فرادا ..

لا تجعلي نصائحهم تأخذ اكثر من حقها في حياتك

طريقك صحيح .. ولكن تذكري دائماً أن الفن الحقيقي

والباقي هو الذي يخرج من صميم المجتمع دون التأثر

بالمجتمعات الأخري ، حتي لا تقعي في الورطة التي وقع

أغلب مخرجين هذا الزمان فيها .. وهي .. تقليد السنيما

الهليوديه تقليد أعمي ..

وأتمني ان نصبح أصدقاء .. فهل أطلب منك أن تشرفيني بزيارتك ؟!

كثيرا منا تمنى اشياءا لم تتحقق و حلم احلاما لم تحبو على ارض الواقع
و لكن بعد ان يمر الزمن و تزيد الخبرات نحمد الله ان ما تمنيناه لم يحدث

انا مش بقول كده علشان اقولك زيهم بكره تكبري و تعقلي
بالعكس انا مع فكرة ان الانسان يحاول يوصل للشئ اللي بيحبه و يتمناه اذا كان موهوب فيه فعلا
بس في شرط كمان لازم يكون متوفر في الشئ ده
إنه يكون مش حرام .. و يكون بيصلح في المجتمع أو على الاقل ما بيفسدش

عزيزتي انتي من ضمن الصور اللي انتي حاطاها صورة يوسف شاهين .. لو دورتي كده في افلامه هتلاقيها معظمها افساد لاخلاقيات المجتمع و نشر للعري و التحرر الزائف
و هنروح بعيد ليه .. بصي لافلام تلميذه خالد يوسف و شوفي كمية الافساد و الالفاظ النابيه و المشاهد الخليعه جداااااا اللي افلامه بتحتويها
يبقى ازاي ده بيصلح في المجتمع او بينفعه؟!!!!!!!!!!!

صدقيني يا عزيزتي مجال السينما بوجه عام في زماننا الحالي اصبح لا ينشر الا الرذيله و اذا دعا الى التحرر فانه يدعو الى التحرر من الاخلاق و كأنها قيد

حاولي كده تفتكري فيلم مافيهوش فكره فاسده او مشهد خليع او الفاظ غير اخلاقيه او اعتراض على خلق مرغوب بحجة التحرر المزعوم .. صدقيني مش هتلاقي

و كل ده اللي بيشيل ذنبه هو المخرج .. و كل واحد بيتفرج على الفيلم و ياخد ذنوب فالمخرج بياخد زيها .. تخيلي كمية الذنوب اللي بياخدها في حياته و بعد وفاته

و بعيدا عن وجهة النظر الدينيه تخيلي مدى الافساد اللي بيعمله في المجتمع في حياته و بعد مماته و ده اللي مايرضيش اي دين

يعني لما مخرج زي أسامة فوزي لما عمل فيلم “بحب السيما” .. اذا كنتي شفتي الفيلم - رغم اني انصحك اني ما تشوفيهوش - هتلاقي فيه كمية الفاظ بذيئه و قذره كتير جدا و مناظر خليعه طبعا من منه شلبي و ليلى علوي احيانا و جرح مشاعر المشاهدين بمشاهد مبالغ فيها و ممكن بسهوله جدا الاستغناء عنها و مش هتأثر في العمل الدرامي , و اظهار الالتزام بالدين على انه تزمت و اظهار الانحلال و ان البنت تجيب صاحبها عندها في الشقه ان هو ده الصح و هي دي الحياه اللي المفروض الناس تعيشها - و ده اثار غضب و حنق الاخوه المسيحين
و المشهد الصوتي بين ادوارد و منه شلبي قبل نهايه الفيلم بدقائق ده كان لازمته ايه غير الاثاره الفاضحه بدون اي داعي

و كل حجتهم ان دي حرية فكر و ان لا مصادرة لحرية الفكر
معلش بأه تعريف الحريه هي التعبير عن رأيك بدون جرح مشاعر و حريات الاخرين
و من الاقوال المأثوره في التعبير عن الحريه :
الفيلسوف الالماني ايمانويل كانت “الحرية عبارة عن استقلال الإنسان عن أي شيء إلا عن القانون الأخلاقي”
(جون‏استيوارت، ميل‏)، يقول: (ان الحرية عبارة عن قدرة الانسان على السعي، وراء مصلحته التي يراها، بحسب منظوره، شريطة ان لا تكون، مفضية الى اضرار الاخرين‏)
مقوله مأثوره : انت حر ما لم تضر

و زي ما انتي شايفه ان كل التعريفات دي بتشترط عدم الضرر للاخر .. يعني لا ضرر ولا ضرار
يعني مش معنى اني عندي فكره معينه و عايز اخرجها للناس فمحدش يقدر يمنعني و يصادر حريتي
لأ طبعا حد يقدر يمنعني و يصادر حريتي اذا كانت الفكره دي مضره و هتفسد اكتر ما هتنفع و بالتالي هو فلسفيا مش بيصادر حريتي .. هو بيحررني من العبوديه لهذه الفكره

و مش معنى اني بحب عمل معين و العمل ده حرام او غير اخلاقي يبقى اروح اشتغل فيه و مايهمنيش
يعني مثلا لو واحد كيميائي موهوب و اكتشف تركيبه او طريقه يقدر يعمل بيها خمور من اجود الانواع و باسعار رخيصه مثلا و الفكره دي بتلح عليه كتير و طبعا هتفيده ماديا جدا .. فهل يبقى صح لو عمل كده ؟؟؟؟؟؟؟؟؟
هسيب ليكي التفكير و الاجابه على الافتراض ده

و لو قلتي طيب و انا ايه اللي يخليني اعمل افلام او اعمال غير اخلاقيه؟ ,هقولك ان ممثلين كتير كانوا بيقولوا كده في البدايه و منهم منى زكي اول ما بدأت التمثيل قعدت تقول انا مابحبش الاغراء و عمري ما احب اني البس لبس يثير الشباب .. تعالي بأه شوفي لبسها دلوقت عامل ازاي و بعض الالفاظ في افلامها و المشاهد بينها و بين احمد السقا عامله ازاي .. و مدى تأثير شخصية منى زكي على فتيات المجتمع المصري حاليا في طريقة الكلام و الحركه و حتى الشخصيه اللي بتعملها كتير أوي و هي شخصيه البنت العنديه العصبيه اللي بتزعل بسرعه بس في نفس الوقت دلوعه و بتستغل جمالها في التأثير على الطرف الآخر

اهو ده مثال من امثله كتير أوي كانوا في بداية المشوار بيعترضوا على حاجات كتير و مع مرور الزمن اصبحوا بيعملوها عادي جدا
و ده لأن الوسط اللي بيقولوا عليه الوسط الفني ده فعلا فيه دلوقت عناصر فاسده كتيييييييييييير جدا و من المعروف ان “الثمره الفاسده تفسد بقية السله” يعني لو عندي سلة فيها شوية فاكهه و فيهم واحده بس فاسده كل السله مع الوقت هتفسد فما بالك لو حطيت ثمره صالحه في وسط سله كلها فاسده ايه اللي هيحصل ؟!!!!!!!!!

ما اعتقدش انها هتقدر تتمسك بجودتها اكتر من ربع ساعه

الجزئيه الاخيره في كلامي دي كانت ردا على كلماتك ” و كانى اقول ذللك دون ان ادرك معناه و كانى لم اسمع عن مشاكل هذا الوسط ابدا”

صدقيني مشاكل الوسط - اللي بيقولوا عليه فني - دلوقت اصبحت مهازل و شبه مستحيل ان يظل بينهم شخص يحتفظ باخلاقه مهما كان واثق في نفسه - زي ما بيقولوا الزن على الودان أمر من السحر , فلما انا ابقى مخرج مثلا برفض المشاهد العاريه و الساخنه في افلامي و يجيلي كذا سيناريو يعجبوني بس للاسف فيهم مشاهد عاريه و مش هينفع تتحذف و انا بقالي فتره ماعملتش افلام و كل ما ارفض سيناريو بسبب المشاهد دي اسمع سخريه و نقد و استهزاء و اتهام بالتخلف و الرجعيه هل مش وارد جداااااااااا انه ييجي عليا وقت و اضعف و اتنازل عن المبدأ ؟ .. و طالما اتنازلت مره ستتوالى التنازلات

و بمناسبة التنازلات و التعود على الخطأ فاكره ايام زمااان لما الكليب بتاع مصطفى قمر اللي اسمه “الليله دوب” ده طلع عمل ضجه ازاي ؟!!
كانت ضجه كبيره و الناس كانت بتمشي في الشارع تتكلم عليه و تعترض عليه و اتذكر ان التليفزيون منعه من العرض كمان
تعالي دلوقت اتفرجي عليه هتقولي الكليب عادي جدا .. عارفه ليه؟
مش لأن الكليب عادي ولا حاجه .. بالعكس الكليب فعلا في عري
بس العري اللي في الكليب بالنسبه للعري بتاع دلوقت بأه زي المقارنه بين واحده بترقص من ورا ستاره و رقاصه ستربتيز
دي غلط و دي غلط بس الفرق في نسبة الغلط و تعود المجتمع على الغلط ده لغاية ما بأه بالنسبالهم شئ عادي
لأنهم من البدايه تنازلوا و اتفرجوا .. صحيح في الاول اعترضوا شويه لكن اتفرجوا لحد ما اتعودوا و لما اتعودا حبوا الغلط و لما حبوا الغلط شافوه مش غلط و لما شافوه مش غلط دافعوا عنه .. للاسف الشديد.

صدقيني انتي ممكن تستغلي موهبتك دي في كتابة القصص و المقالات و ممكن تكوني صحفيه او مصوره صحفيه هايله .. و كمان ممكن تتعلمي مجال تصميم الجرافيك و تعملي مسلسلات كارتونيه مثلا من الحاجات اللي بتعلم الاطفال القيم الاخلاقيه الحقيقيه
شوفي اهو انا بدقيقه تقكير قدرت الاقي اكتر من مجال تقدري تستغلي فيه قدراتك و في نفس الوقت هتفيدي المجتمع
و لو انتي فكرتي بحياديه هتلاقي مجالات أكتر تقدري توظفي فيها مواهبك الجميله دي
طيب تعرفي اني في مكاتب و اطباء نفسيين اسمهم مرشدين نفسيين بيعملوا تحليل لشخصية الفرد و قدراته و يقولوله ايه هي الاعمال اللي لو اشتغل فيها هينجح جدا لانها بتتناسب مع قدراته
اهي دي خطوه ممتازه ممكن تنفذيها لأني القدرات اللي ربنا بيديها لاي انسان بثيقدر يعمل بيها حاجات كتيييييييير أوي و مش بتبقى مقتصره على عمل واحد فقط
يعني مثلا الهاكرز اللي خانقين كل الناس دول و بيخترقوا مواقع و يعملوا فيروسات لو استغلوا قدراتهم دي كويس هيبقوا خبراء أمنيين عباقره للشركات بس هو استغل قدراته غلط يمكن لانه حابب الغلط او لانه شايف ان قدراته دي ماتنفعش غير في الغلط

و أكرر كلمة الاخ عمرو عيسى في التعليق السابق “مصيبة لو كنت مبهورة بالشهرة والعظمة”
فعلا دي مشكله ضخمه لأن حب الشهره ممكن يكون من اكبر دوافعك للتفكير في العمل ده .. بس صدقيني لما تضحي بحاجات كتير علشان الشهره و ترجعي تلاقي ان الشهره دي في حد ذاتها شئ مش زي ما الناس فاكراه بالعكس ده الشخص المشهور ده مش بيعرف يعيش حياته بطبيعيه و حريه زي بقية البشر .. ساعتها هتندمي أوي اذا كانت خطواتك مبنيه على حبك للشهره

اختي العزيزه فكر كويس و راجعي نفسك و ماتاخديش كلامي برد فعل رفض من داخلك لكن اقرأيه بحياديه و فكري فيه بتأني و اعتقد انك هتوصلي للي انا توصلتله
انا كنت بتفرج على افلام لحد مده قريبه جدا لغاية ما اكتشفت تدريجيا ان الافلام دي هي اللس فسدت اخلاقيات المجتمع اللي احنا بنشتكي منها دلوقت
و فعلا مابقيتش احب اتفرج عليها لاني رافضها
انا عارف ان الاعلام و التمثيل المرئي للقصص مؤثر جدا و كنت اتمنى انها تكون اخلاقيه و ده حلمي فعلا
لكن الواقع الحالي مرفوض تماما
و اي محاوله للاحتفاظ بالاخلاق في نفس الوقت اللي هيتم فيه الاختلاط بوسط منتشر فيه الفساد كأنه وباء هتبوأ بالفشل

عارف اني طولت عليكي لكن الموضوع هام جدا
شكرا لسعة صرد كل من قرأ التعليق
السلام عليكم